سوپور کے آرم پورہ میں تلاشی کارروائی شروع

عسکریت پسندوں کی موجودگی کی اطلاع موصول ہونے کے بعد فوج، سی آر پی اور ایس او جی کی مشترکہ ٹیم نے آرم پورہ علاقے کو محاصرے میں لے کر تلاشی مہم شروع کردی ہے۔

شمالی کشمیر کے ضلع بارہمولہ کے سوپور کے آرم پورہ علاقے میں سکیورٹی فورسز کی جانب سے تلاشی کارروائی شروع کی گئی ہے۔

اطلاعات کے مطابق عسکریت پسندوں کی موجودگی کی اطلاع موصول ہونے کے بعد فوج، سی آر پی اور ایس او جی کی مشترکہ ٹیم نے آرم پورہ علاقے کو محاصرے میں لے لیا اور تلاشی مہم شروع کی۔

ذرائع کے مطابق علاقے میں تمام داخلی اور خارجی راستوں پر پہرے بٹھا دئیے گئے ہیں اور گھر گھر تلاشی کارروائی کا سلسلہ جاری ہے۔ جبکہ کسی بھی فرد کو گھر سے باہر نکلنے کی اجازت نہیں دی جا رہی ہے۔


آخری اطلاع ملنے تک تلاشی مہم کا سلسلہ جاری تھا۔