قصبہ سوپور میں مسلمانوں نے کشمیر کی صدیوں پرانی مذہبی ہم آہنگی کی روایت کو قائم رکھتے ہوئے ایک غیر مسلم نوجوان کی آخری رسوم میں حصہ لے کر ہندو برادری کے دل جیت لیے۔
ضلع بارہمولہ کے سوپور قصبہ میں ایک غیر مقامی غیر مسلم مزدور کے انتقال کے بعد اس کی آخری رسومات میں مقامی مسلمان برادری نے بڑھ چڑھ کر حصہ لیا۔
قصبہ سوپور میں فیروز پور، پنجاب سے تعلق رکھنے والے ایک پچیس سالہ غیر مقامی مزدور پون کمار ولد پوکھن کمار کا پیر کو انتقال ہو گیا۔ پون کمار اور ان کے اہل خانہ قصبے میں ایک کرائے کے کمرے میں رہائش پذیر ہیں۔
پون کمار کے اہل خانہ نے اس کی آخری رسومات سوپور میں ہی انجام دینے کی خواہش ظاہر کی۔ اس کے بعد مقامی مسلمانوں نے ان کی خواہش کا احترام کرتے ہوئے فوت ہوئے نوجوان کی آخری رسوم میں حصہ لیا۔
مزید پڑھیں: بارہمولہ: دور دراز پہاڑی علاقہ کریری میں جیم سنٹر کا افتتاح
غیر مسلم برادری نے مسلمانوں کے جذبے کی سراہنا کرتے ہوئے یہاں کے مذہبی بھائی چارے کی تعریف کی۔
