قدرتی حسن سے مالا مال راج پورہ، زنگیر کے بالائی علاقے میں محکمۂ جنگلات کی جانب سے ایکو پارک کا افتتاح کیا گیا۔ ایکو پارک کے افتتاح پر لوگوں نے مسرت کا اظہار کرتے ہوئے کہا کہ پارک میں طلبہ کے علاوہ سیاحوں کی آمد کا سلسلہ بھی شروع ہوگا جس کے سبب مقامی نوجوانوں کو روزگار کے مواقع فراہم ہوں گے۔
’ایکو پارک کے افتتاح سے روزگار کے مواقع پیدا ہونگے‘
افتتاحی تقریب کے موقع پر محکمۂ جنگلات کے اعلیٰ افسران سمیت مقامی باشندوں کی کثیر تعداد موجود تھی۔ محکمۂ جنگلات کے پرنسپل چیف کنزویٹر موہت جیرا نے ذرائع ابلاغ کے نمائندوں سے بات کرتے ہوئے کہا کہ ایکو پارک سے نہ صرف مقامی سیاحت کو فروغ ملے گا بلکہ جنگلات اور جنگلی حیاتیات میں دلچسپی رکھنے والے طلبہ کو اس سے کافی مدد ملے گی۔
