بارہمولہ: بی جے پی لیڈر کی حرکت قلب بند ہونے سے موت

بھارتیہ جنتا پارٹی (بارہمولہ یونٹ) کے سینئر کارکن ڈی کے نہرو کا دل کا دورہ پڑنے سے انتقال ہو گیا۔

شمالی کشمیر کے ضلع بارہمولہ کے پانزلہ، رفیع آباد، سوپور سے تعلق رکھنے والے بھارتیہ جنتا پارٹی (بی جے پی) کے سینئر کارکن ڈی کے نہرو کو سینے میں تکلیف کی شکایت کے بعد گزشتہ شام نزدیکی طبی مرکز پہنچایا گیا جہاں سے انہیں سرینگر کے صورہ میڈیکل انسچوٹ (سکمز) منتقل کیا گیا۔

صورہ میڈیکل انسٹیچوٹ میں ڈی کے نہرو پیر اور منگل کی درمیانی شب زندگی کی جنگ ہار گئے۔

ڈی کے نہرو کی حرکت قلب بند ہونے سے موت کی خبر علاقہ میں پہنچتے ہی بی جے پی کے کارکنوں میں غم کا ماحول چھا گیا۔

شمالی کشمیر کے کئی علاقوں سے وابستہ لیڈران و کارکنان نے ڈی کے نہرو کے گھر پہنچ کر انکے اہل خانہ کے ساتھ تعزیت کی۔