بارہمولہ: محکمہ پی ایچ اے کے خلاف لوگوں کا احتجاج

بارہمولہ کے گاؤں اجارہ پیرنیا کے لوگوں کو پینے کا صاف پانی دستیاب نہیں ہونے کی وجہ سے ناراض لوگوں نے بارہمولہ اوڑی قومی شاہراہ کے نزدیک احتجاج کیا۔

شمالی کشمیر کے ضلع بارہمولہ کے اجارہ پیرنیا گاؤں کے لوگوں نے محکمہ پی ایچ اے کے خلاف بارہملولہ اوڑی قومی شاہراہ پر احتجاج کیا، جس سے شاہراہ پر گاڑیوں کی آمدو رفت گھنٹوں متاثر رہی۔

اس دوران لوگوں نے محکمہ پی ایچ اے کے خلاف احتجاج کرتے ہوئے کہا کہ 'ہمارے علاقے میں پینے کے صاف شفاف پانی نہیں مل رہا ہے۔ جس کی وجہ سے ہمیں گندا پانہ کا استعمال کرنا پڑرہا ہے۔

مقامی لوگوں نے یہ بھی بتایا کہ اس تعلق سے انہوں نے کئی بار محکمہ کے عہدیداروں سے بات کی لیکن اب اس کا حل نہیں ہوسکا، جس کے بعد آج ہم لوگوں کو مجبورا سڑک پر اترنا پڑا۔

مقامی لوگوں کا یہ بھی کہنا تھا کہ جموں و کشمیر میں ابھی کوئی حکومت نہیں ہے۔ اس لیے اب کوئی رہنما ہمارے مسائل جب حکومت بنے گی تو رہنما ووٹ مانگنے آئیں گے، ہم کافی پریشانی میں ہیں، ہم چاہتے ہیں کہ انتظامیہ جلد سے جلد اس کا کوئی مستقل حل نکالے۔