بارہمولہ: شمالی کشمیر کے ضلع بارہمولہ کے ڈاک بنگلوو میں فوج کے سابق چیف آف آرمی اسٹاف جنرل بپن راوت کی پہلی برسی کے موقع پر فوج نے تقریب کا اہتمام کیا۔ تقریب میں آنجہانی بپن راوت کی خدمات کو یاد کرتے ہوئے انہیں خراج عقیدت پیش کیا گیا۔ فوج کی جانب سے منعقد کی گئی تقریب میں فوج کے اعلیٰ افسران سمیت میونسپل کونسل بارہمولہ کے صدر توصیف رینہ سمیت مقامی باشندوں خصوصاً طلبہ نے بھی شرکت کی۔ Bipin Rawat Death Anniversary
تقریب کے موقع پر مختلف اسکولوں سے تعلق رکھنے والے طلبہ نے فوج کے سابق چیف کو ان کے پہلی برسی پر خراج عقیدت پیش کرتے ہوئے کہا: ’’بارہمولہ کے ساتھ بپن راوت کی کافی یادیں جڑی ہوئی ہیں۔‘‘ اس موقع پر میونسپل کونسل بارہمولہ کے صدر توصیف رینا نے کہا کہ ’’بپن راوت نے کافی عرصہ بارہمولہ میں اپنی خدمات انجام دی ہیں،انہیں بارہمولہ کے لوگ ہمیشہ یاد رکھیں گے۔‘‘ Army Pays Tribute to Bipin rawat in Baramulla
واضح رہے کہ فوج کے سابق چیف جنرل بپن راوت گزشتہ سال ایک ہیلی کاپٹر کریش کے دوران فوت ہو گئے تھے۔
