آرمی نے کمان پوسٹ اوڑی میں کیفیٹیریا کا افتتاح کیا

آرمی آفیسر مشال دیوبند نے ای ٹی وی بھارت سے بات کرتے ہوئے کہا کہ یہ کیفیٹیریا خاص کر سیاحوں اور بچوں کے لئے بنایا گیا ہے۔ ساتھ ہی کمان پوسٹ پر 60 فٹ کی لمبائی والا قومی پرچم بھی لگایا گیا ہے، جو امن کا پیغام دیتا ہے۔

شمالی کشمیر کے ضلع بارہمولہ کے سرحدی قصبہ اوڑی کے کمان پوسٹ، لیفٹیننٹ کرنل کامان سنگھ پٹھانیا (ایم وی سی ) کے نام سے منسوب قومی شاہراہ 1 اے پر ہندوستانی فوج کی پہلی پوسٹ ہے۔ ہندوستانی فوج نے کمان پوسٹ پر کیفیٹیریا کی تزئین و آرائش کی ہے اور اس میں 60 فٹ کے جھنڈے کا ایک قطب بھی لگایا ہے، جس پر قومی پرچم لہرا رہا ہے۔

کمان پوسٹ سیاحوں کے خاص طور پر اسکول اور کالج جانے والے بچوں کے لئے بڑی توجہ کا مرکز ہے۔

ایک آرمی آفیسر مشال دیوبند نے ای ٹی وی بھارت سے بات کرتے ہوئے کہا کہ یہ کیفیٹیریا خاص کر ہم نے سیاحوں اور پولی بچوں کے لئے بنایا ہے اور جو بھی سیاح کمان پوسٹ پر آئیں گے وہ یہاں سے خوبصورت یادیں لے کر جائیں گے۔

انہوں نے مزید بتایا کہ کمان پوسٹ پر 60 فٹ کی لمبائی والا قومی پرچم امن کا پیغام دیتا ہے۔

واضح رہے کمان پوسٹ کے راستے سے ہی پاکستان کے قبضے والے مظفرآباد میں داخل ہوتے تھے گزشتہ کئی سالوں سے حکومت نے کمان پوسٹ کے پل کو آمد رفت کے لیے بند کر رکھا تھا، جس کے چلتے یہاں پر قائم کیے گئے تمام دوکانیں بند پڑی تھی اور آج اس جگہ پر قائم کفیٹریا کو ایک بار پھر سے شروع کیا گیا ہے۔