شمالی کشمیر کے ضلع بارہمولہ کے رفیع آباد علاقہ کے سعیدہ پورہ گاؤں میں آج صبح فوج کے 32 راشٹریہ رائفل نے ایک مشتبہ دھماکہ خیز مادہ کو برآمد کرنے کے بعد اسے ناکارہ بنا دیا۔ فوج نے ہندواڑہ اور بارہمولہ روڈ پر ایک آئی ای ڈی کو برآمد کیا تھا۔
ذرائع کے مطابق عسکریت پسندوں نے ایک آئی ای ڈی کو سڑک پر رکھا تھا، جس سے کافی نقصان ہوسکتا تھا، تاہم علی الصبح فوج اور پولیس نے عکسریت پسندوں کی اس کاروائی کو ناکام بناتے ہوئے دھماکہ خیز مادہ کو ناکارہ بنادیا ہے۔
رفیع آباد میں مشتبہ چیز کو ناکارہ بنایا گیا
پولیس نے اس کی تصدیق کرتے ہوئے کہا کہ جوں ہی ہمیں اس حوالے سے اطلاع موصول ہوئی ویسے ہی پولیس اور بم ڈسپوزل اسکارڈ ٹیم جائے واردات پر پہنچ گئی اور موقع پر ہی اس کو ناکارہ بنادیا گیا۔
