خوبصورت پہاڑوں کے درمیان واقع ولر جھیل ہر گزرتے دن کے ساتھ سیاحوں کی ایک پسندیدہ جگہ ثابت ہورہی ہے. یہاں ہر روز خاص کر شام کے اوقات میں مقامی سیاحوں کا آنا جانا لگا رہتا ہے.
تاہم یہاں اکثر اوقات بیرونی سیاح بھی دیکھے جاسکتے ہیں. دراصل یہ جھیل ایشیا کی سب سے بڑی جھیل ہے جسے فریش واٹر لیک کے نام سے بھی جانا جاتا ہے
واضح رہے کہ یہ جھیل ضلع باںڈی پورہ کو ضلع بارہمولہ سے ملانے والی شاہراہ پر واقع ہے جس کی وجہ سے دونوں ضلع کے افراد بطور تفریح یہاں آنے میں آسانی ہوتی ہے۔
یہاں کے مقامی اور بیرونی سیاحوں کا کہنا ہے کہ اس جگہ سے باںڈی پورہ، سوپور اور جھیل ولر کا پورا نظارہ ہوجاتا ہے.
ولر جھیل کو فریش واٹر لیک کے نام سے بھی جانا جاتا ہےجو فریش واٹر کے اعتبار سے ایشیا کی سب سے بڑی جھیل ہے۔
اس جھیل میں جھیلم ندی پانی ڈالتی ہے اور آگے جاکر نکالتی بھی ہے۔
