بانڈی پورہ میں ٹریکٹر کے الٹنے سے کمسن بچی سمیت 2 ہلاک

ایک عہدیدار نے بتایا کہ ایک ٹریکٹر میں سوار تین افراد اپنے باغ کی طرف جا رہے تھے کہ گاؤں کے قریب ایک مقامی ندی کے کنارے پر ٹریکٹر الٹ گئی جس کے نتیجے میں وہ زخمی ہو گئے۔

اتوار کی سہ پہر شمالی کشمیر کے ضلع بانڈی پورہ کے بڈیارہ اشٹنگو گاؤں میں ایک ٹریکٹر کے الٹنے سے آٹھ سالہ بچی سمیت دو افراد ہلاک اور دیگر ایک زخمی ہوگیا۔ ایک عہدیدار نے بتایا کہ ایک ٹریکٹر میں سوار تین افراد اپنے باغ کی طرف جا رہے تھے جب گاؤں کے قریب ایک مقامی ندی کے کنارے پر ٹریکٹر الٹ گئی جس کے نتیجے میں وہ زخمی ہو گئے۔ زخمیوں کو ڈسٹرکٹ ہسپتال بانڈی پورہ پہنچایا گیا جہاں ایک کمسن بچی سمیت دو افراد کی موت ہوگئی۔ ہلاک ہونے والوں کی شناخت زبیر فاروق (18) اور تبسم جان (8) کے طور پر کی گئی۔ عہدیدار کے مطابق ایک اور زخمی کی شناخت رفیق رشید کے نام سے ہوئی ہے۔

دریں اثناء پولیس کی ٹیم بھی موقع پر پہنچ گئی اور واقعہ کی تحقیقات شروع کر دی ہے۔