شمالی کشمیر کے ضلع بانڈی پورہ کے حاجن سوناواری کے مختلف علاقوں میں گزشتہ دنوں کی مسلسل بارشوں کے بعد پیدہ شدہ صورتحال کا جائزہ لینے کے لئے آج تحصیلدار حاجن نے مختلف علاقوں کا دورہ کیا اور وہاں پانی کی نکاسی کے انتظامات کو نکالنے کے لیے احکامات جاری کیے۔
گزشتہ کئی روز سے ہو رہی بارشوں سے کئی علاقوں میں اندرونی گلی اور کوچوں میں پانی جمع ہونے کے سبب لوگوں کو مشکلات کا سامنا کرنا پڑرہا ہے۔ ادھر ضلع انتظامیہ بانڈی پورہ کی جانب سے پانی کی نکاسی کے لئے ایس ڈی آر ایف کی ایک ٹیم روانہ کرنے کے علاوہ متعلقہ فائر بریگیڈ کو بھی اس کام پر لگایا گیا ہے تاکہ لوگوں کو مرور عبور میں مشکلات درپیش نہ ہو- تحصیلدار حاجن غلام احمد بھٹ نے گنڈ جہانگیر، شاہ گنڈ، حاجن، مدون، چندگیر اور دیگر کئی علاقوں کا دورہ کرکے وہاں صورتحال کا جائزہ لیا اور پانی کی نکاسی کے لئے انتظامات کرائے-
یہ بھی پڑھیں: بانڈی پورہ: زمین کھسکنے کے سبب رہائشی مکان کو نقصان
تحصیلدار نے ای ٹی وی کو بتایا کہ بہت ہی کم وقت کے اندر گلی کوچوں میں جمع پانی کو باہر نکالا جائے گا تاکہ لوگوں کو جمع شدہ پانی کی وجہ سے چلنے پھرنے میں دشواریوں کا سامنا نہ کرنا پڑے-
