شمالی کشمیر کے ضلع بانڈی پورہ کے مرکنڈل۔ سوناواری میں لوگوں کو بجلی کی مسلسل تخفیف سے پریشانی کا سامنا کرنا پڑ رہا ہے-
علاقے کے لوگوں نے آج محکمہ بجلی کے خلاف احتجاجی مظاہرہ کیا- مظاہرین نے اس دوران سمبل - حاجن روڑ پر مظاہرہ کیا۔ اس دوران ٹریفک کی نقل و حمل کافی وقت تک متاثر رہی۔
لوگوں نے انتظامیہ سے مطالبہ کیا 'علاقے میں بجلی سپلائی کو یقینی بنایا جائے۔ علاقے میں بجلی کی مسلسل تخفیف سے لوگوں کو کافی مشکلات کا سامنا کرنا پڑ رہا ہے اور بجلی تخفیف کی وجہ سے مقامی لوگ گپ اندھیرے میں زندگی گزارنے نے پر مجبور ہیں'۔
یہ بھی پڑھیے
'ڈس ایبلٹی ایکٹ نافذ کرنے کا مطالبہ'
مظاہرین نے بجلی محکمہ کے خلاف نعرے بازی کی- انہوں نے کہا کہ وہ پچھلے کئی روز سے بغیر بجلی کے زندگی گزارنے پر مجبور ہیں جبکہ وہ بجلی فیس وقت پر ادا کرتے ہیں۔ وہیں، انتظامیہ کی جانب سے عوام کو جلد بجلی بحال کرنے کا بھروسہ دیا، جس کے بعد لوگوں نے احتجاج ختم کیا۔
