شمالی کشمیر کے ضلع بانڈی پورہ کے حاجن علاقے میں احسن میموریل فاؤنڈیشن کی جانب سے معروف شاعر مرحوم محمد احسن احسن کی یاد میں ایک روزہ ادبی تقریب کا اہتمام کیا گیا۔ جس میں ادباء ، شعراء ، اسکالرز کے علاوہ عام لوگوں کی ایک خاصی تعداد نے شرکت کی۔
تقریب کے دوران نامور مصنف اور صدر احسن میموریل فاؤنڈیشن نے خطبہ استقبالیہ پیش کیا۔ اپنے استقبالیہ خطاب میں فاؤنڈیشن کے صدر نے مہمانوں کو خوش آمدید کہتے ہوئے تنظیم کی جانب سے کی جانے والی ادبی سرگرمیوں کے حوالے سے ایک تفصیلی رپورٹ پیش کی۔
افتتاحی سیشن کی صدارت معروف ادیب اور کشمیری زبان و ادب کے نامور شاعر پروفیسر شاد رمضان نے کی۔ جبکہ ممتاز ادیب اور کشمیری زبان و ادب کے ماہر پروفیسر مجروح رشید اور ڈاکٹر رفیق مسعودی بھی صفحہ صدارت میں موجود تھے۔
مزید پڑھیں:بانڈی پورہ میں جاری وولر فیسٹیول اختتام پذیر
اس موقع پر مقررین نے مرحوم محمد احسن احسن کی ادبی خدمات کو اجاگر کیا اور اس طرح کی تقریبات کا انعقاد کرنے کی ضرورت و اہمیت پر بھی گفتگو کی۔
تقریب کی دوسری نشست کی صدارت پرنسپل گورنمنٹ ڈگری کالج حاجن پروفیسر ھُدا غزالی نے کی۔ اس نشست کے دوران مرحوم محمد احسن احسن احسن کی ایک کتاب رسم رونمائی بھی انجام دی گئی۔
