تفصلات کے مطابق محکمہ روڈ اینڈ بلڈنگ (آر اینڈ بی) نے چند روز قبل چھ کلو میٹر سڑک پر تارکول بچھایا تھا جو چار روز کے بعد ہی اکھڑ گیا ہے۔
مقامی لوگوں کے مطابق تارکول بچھانے میں ناقص مٹیریل کا ستعمال کیا گیا جس کی وجہ سے پورا تارکول اکھڑ گیا اور روڈ کی حالت خراب ہو گئی ہے حالانکہ مقامی لوگوں نے سڑک کی خستہ حالی کی شکایت محکمہ آر اینڈ بی کے علی افسران سے کی ہے اور مذکورہ سڑک کو از سر نو تعمیر کرنے کا مطالبہ بھی کیا ہے۔
اس سلسلے میں مقامی باشندوں نے گورنر انتظامیہ سے مداخلت کی اپیل کی ہے۔
دوسری جانب ڈی سی بانڈی پورہ کا کہنا تھا کہ اس معاملے کو زیر غور لایا گیا ہے اور ایگزیکیوٹیو انجینیئر کو ہدایت جاری کی گئی ہے کہ وہ اس پر مکمل رپوٹ پیش کریں۔
سڑک کی حستہ حالی پر مقامی لوگوں کا کہنا ہے کہ 'یہ سرکاری خزانے کو لوٹنے کا ایک طریقہ ہے، ضرورت اس بات کی ہے کہ ٹھیکیداروں اور افسران کو جواب دہ بنایا جائے، تاکہ تعمیر و ترقی کے کاموں میں شفافیت لائی جا سکے۔'
