شمالی کشمیر کے بانڈی پورہ ضلع کے صدر کوٹ بالا علاقے میں آج نیشنل کانفرنس نے ایک پارٹی اجلاس کا انعقاد کیا جس میں متعدد سیاسی کارکنوں نے نیشنل کانفرنس کے ساتھ ہاتھ ملایا۔ اس تقریب میں علاقے سے وابستہ سینئر سیاسی ورکروں نے حصہ لیا۔ اس تقریب کی صدارت نیشنل کانفرنس کے سوناواری حلقہ انتخاب کے انچارج ایڈوکیٹ ہلال اکبر لون نے کی اور اس میں علاقہ کے لوگوں کی ایک بڑی تعداد نے شرکت کی۔ National Conference hold workers meet
قابل ذکر ہے کہ حد بندی کمیشن کی حالیہ تبدیلیوں میں اجس سوناواری کا علاقہ سوناواری انتخابی نشست کے ساتھ منسلک کیا گیا جبکہ اس سے قبل یہ علاقہ بانڈی پورہ انتخابی نشت کا ایک حصہ ہوا کرتا تھا۔ نیشنل کانفرنس نے یہاں اپنی جماعت کو مضبوط کرنے کی غرض سے یہ اجلاس بلایا تھا جس کے دوران متعدد ایسے سیاسی کارکن پارٹی میں شامل ہوئے جو اس سے قبل دوسری سیاسی جماعتوں کے ساتھ وابستہ تھے۔ مقررین کے مطابق اجلاس کا مقصد پی اے جی ڈی اور اس کے مقصد کو مضبوط کرنا تھا۔ اس موقع پر ڈی ڈی سی ممبر سمبل بلاک غلام نبی عنبر، عبدل رحمان کوچھے کے علاوہ نیشنل کانفرنس کے دیگر سینیر لیڈران لیڈران بھی موجود تھے۔
یہ بھی پڑھیں : NC Workers Convention in Anantang: اچھہ بل میں نیشنل کانفرنس ورکرز کنونشن کا انعقاد
