بانڈی پورہ: سڑک کی خستہ حالی سے مقامی لوگوں کو مشکلات

شمالی کشمیر کے ضلع بانڈی پورہ میں پہلی پورہ ہاکبارہ علاقے کی اندرونی سڑک کی حالت انتہائی خستہ ہوگئی ہے جس سے عوام کو کافی مشکلات پیش آرہی ہیں۔ حاجن تحصیل سے منسلک اس گاؤں کی یہ سڑک کی خستہ حالی کی وجہ سے یہاں سے گذرنے والوں کو دشواری کا سامنا کرنا پڑرہا ہے۔

مقامی لوگوں نے اس سڑک کی فوری طور پر مرمت اس پر میگڈم بچھانے کا مطالبہ کیا ہے تاکہ دقتوں کا سامنا نہ کرنا پڑے۔

مقامی لوگوں نے بتایا کہ جب کبھی بھی بارش ہوتی ہے تو اس سڑک پر چلنا ان کے لئے مزید دشوار کن بن جاتا ہے۔ انہوں ضلع انتظامیہ سے اس سڑک کی تعمیر کے علاوہ میگڈم ڈالنے کا بھی مطالبہ کیا ہے۔ ایک مقامی شہری نے بتایا کہ اس سلسلے میں پہلے بھی کئی دفعہ انتظامیہ کو آگاہ کیا گیا اور تعمیر و مرمت کا مطالبہ کیا گیا۔

انہوں نے ایک بار پھر اعلیٰ حکام کو اس تعلق سے نظر ثانی کرنے اور سڑک کی فوری طور پر تعمیر کا مطالبہ کیا تاکہ لوگوں کو مرور و عبور میں دقتوں کا سامنا نہ کرنا پڑے۔