ڈی ڈی سی انتخابات کے تحت مختلف سیاسی پارٹیوں کی جانب سے تشہیری مہم جاری ہے۔
ضلع بانڈی پورہ میں سابق رکن اسملی یاسر رشی نے گپکار اتحاد پر سخت تنقید کرتے ہوئے کہا کہ وہ وادی کی عوام کو گمراہ کر رہے ہیں۔
بانڈی پورہ میں انتخابی مہم کے دوران یاسر ریشی کے علاوہ کانگریس پارٹی کے ضلع صدر امتیاز پرے بھی موجود تھے۔
امتیاز پرے اور یاسر ریشی گپکار اتحاد کی جانب سے کھڑے کئے گئے ڈی ڈی سی امیدواروں کے مقابلے میں اپنے امیدوار میدان میں اتارے ہیں۔
یاسر ریشی نے اس دوران ایک جلسے میں اپنے حامی کارکنوں سے خطاب کرتے ہوئے کہاکہ گپکار اتحاد لو گوں کو ایک پھر دھوکہ دینے کی کوشش کر رہا ہے۔
مزید پڑھیں:'جموں و کشمیر میں خاندانی راج کا خاتمہ عنقریب'
انہوں نے کہا کہ کہا دفعہ 370 کی واپسی کے نام پر یہ لوگ اپنی سیاست کر رہے ہیں اور عام لوگوں کو ایک بار پھر بیوقوف بنا رہے ہیں-
یاسر ریشی نے صاف طور پر کہا کہ گپکار اتحاد میں شامل سیاسی رہنما لوگوں کو دھوکے اور گمراہی میں رکھنا چاہتے ہیں۔
انھوں نے کہا کہ آج عوام بیدار ہوچکی ہیں لہذا گپکار اتحاد کے سیاسی حربے ناکام ہوکر رہیں گے-
یاسر ریشی اور امتیاز پرے عوام سے اس موقع پر اپیل کی وہ ان کے نمائندوں انتخابات میں کامیابی دلائیں۔
