منی سیکریٹریٹ کمپلیکس بانڈی پورہ کے کانفرنس ہال میں ایک روزہ سیمینار کا انعقاد کیا گیا جس میں ضلع انتظامیہ نے پنچایت ترقیاتی انڈیکس (PDI) کو ایک منفرد انداز میں منظر عام پر لایا۔ اس ڈیش بورڈ کا باقاعدہ آغاز ڈپٹی کمشنر بانڈی پور نے کیا۔
پنچایت انڈیکس ڈیولپمنٹ ڈیش بورڈ کا افتتاح
اس موقع پر جوائنٹ ڈائریکٹر پلاننگ بانڈی پورہ امتیاز احمد نے بتایا کہ یہ ضلع بانڈی پورہ کے لیے یہ اعزاز کا مقام ہے کہ آج ہم نے پنچایت انڈیکس ڈیولپمنٹ کا لانچ کیا ہے۔
انہوں نے کہا کہ پنچایت انڈیکس ڈیولپمنٹ ضلع کی 151 پنچایتوں کی ترقی کے لیے فائدہ مند ثابت ہوگی۔
سیمنار میں ضلع ترقیاتی کمشنر رویندر کمار اور مسٹر جی اے قریشی ، سابق ڈی جی اکنامکس اینڈ سٹیٹسٹکس جے اینڈ کے، جوائنٹ ڈائریکٹر پلاننگ بانڈی پورہ اور دیگر ضلع افسران موجود تھے۔
