وادی کشمیر میں کچھ روز قبل ہوئی شدید برف باری کی وجہ سے جہاں عام لوگوں کو کافی مشکلات کا سامنا کرنا پڑا تھا وہیں شمالی کشمیر کے ضلع بانڈی پورہ کے سمبل کے مختلف علاقوں میں ٹرانسپورٹرز کو آج بھی برفباری کی وجہ سے دقتوں کا سامنا کرنا پڑ رہا ہے۔
برفباری کے بعد سڑکوں پر سے جو برف ہٹائی گئی اس کو سڑکوں کے دونوں اطراف کنارے لگایا ہے جس کی وجہ سے گاڑیوں کی آمدورفت کے علاوہ لوگوں کو پیدل چلنے میں بھی کافی دشواریوں کا سامنا ہے۔
دوسری جانب درجہ حرارت میں حد درجہ گراوٹ کی وجہ سے سردیوں کی شدت میں بھی اضافہ ہوگیا ہے اور سڑکوں کے دونوں اطراف پر جمع یہ برف جم جانے کی وجہ سے پھسلن پیدا ہوگئی ہے۔
یہ بھی پڑھیے
مرکزی حکومت سیاسی مخالفین کو جان بوجھ کر خطرے میں ڈال رہی ہے: محبوبہ مفتی
سمبل سوناواری کے ایک مقامی نوجوان شبیر بٹ نے کہا 'جو برف اس وقت سڑکوں پر جمع ہے۔ اس کی وجہ سے گاڑیوں کو جگہ دینا مشکل ہو رہا ہے اور ٹریفک جام میں بھی اضافہ ہورہا ہے اور چلنے پھرنے میں کافی زیادہ وقت لگتا ہے کیونکہ سڑکوں، کوچوں اور گلیوں میں دونوں اطراف سے باری مقدار میں برف جمع ہیں اور اسے کو ہٹانے کی اشد ضرورت ہے۔
