شمالی کشمیر کے ضلع بانڈی پورہ میں پیر کو بھارتیہ جنتا پارٹی (بی جے پی) کی جانب سے اجلاس منعقد ہوا۔ اجلاس میں بی جے پی کے قومی سیکریٹری ڈاکٹر رویندر سنگھ نے شرکت کی۔ اجلاس میں ضلع بانڈی پورہ سمیت شمالی کشمیر سے تعلق رکھنے والے بی جے پی لیڈران و کارکنان کی خاصی تعداد نے شرکت کی۔
اجلاس کے دوران خطاب کرتے ہوئے ڈاکٹر رویندر سنگھ نے ورکرس پر زور دیا کہ وہ گھر گھر جاکر بی جے پی کی کارکردگی سے عوام کو آگاہ کرکے پارٹی کو بنیادی سطح پر مضبوط بنائیں، تاکہ آنے والے الیکشن میں بی جے پی دیگر سبھی سیاسی پارٹیوں پر سبقت حاصل کرنے میں کامیابی حاصل کرسکے۔
مزید پڑھیں: آسیہ پارما یونیورسٹی میں داخلہ حاصل کرنے والی دنیا کی پانچ طلبہ میں شامل
ضلع بانڈی پورہ سے تعلق رکھنے والے بی جے پی لیڈران نے دعویٰ کیا کہ ان کی پارٹی انتخابات کے لیے پوری طرح تیار ہے۔ ان کے مطابق بی جے پی کشمیر میں واضح اکثریت کے ساتھ سرکار بنائے گی۔
