شمالی کشمیر کے ضلع بانڈی پورہ کے شاہ گُنڈ علاقے میں لوگوں کو صاف پینے کے پانی کی قلت کا سامنا کرنا پڑرہا ہے- علاقے میں پینے کا صاف پانی نہ ہونے کے سبب خواتین کو لمبی مسافت طے کرکے ندی نالوں سے پانی لانا پرتا ہے-
مقامی خواتین نے آج اس سلسلے میں سمبل میں محکمہ جل شکتی کے دفتر کے باہر ایک احتجاج کیا جس کے دوران ان کا مطالبہ تھا کہ انہیں پینے کے پانی کی فراہمی کو یقینی بنایا جائے- مقامی خواتین کا کہنا تھا کہ اس علاقے میں پانی کی شدید قلت سے انہیں مشکلات سے دوچار ہونا پڑتا ہے-
انہوں نے بتایا کہ صاف پانی کے نہ ہونے کی وجہ سے انہیں مجبوراً گندہ پانی پینا پڑتا ہے یا تو دور ندی نالوں کا رخ کرنا پڑتا ہے-
یہ بھی پڑھیں: بانڈی پورہ: ڈی ڈی سی ممبر کے خلاف کیس درج
انہوں نے مزید بتایا کہ انہوں نے کئی مرتبہ متعلقہ حکام کو اس حوالے سے باخبر کیا تاہم ہمیشہ انہیں نظرانداز کیا گیا- ان کا مطالبہ ہے کہ انہیں اس سلسلے میں مستقل طور پر پانی کی سہولت فراہم کی جائے تاکہ انہیں مستقبل میں مشکلات کا سامنا نہ کرنا پڑے -
