بانڈی پورہ پولیس نے منشیات کے خلاف اپنی جنگ جاری رکھتے ہوئے آج ایک منشیات فروش کو گرفتار کرلیا اور اجر چوک بانڈی پورہ سے اس کے قبضے سے کالعدم نفسیاتی منشیات برآمد کی۔
مخصوص معلومات کی بنیاد پر، سٹیشن ہاوس افسر، بانڈی پورہ کی سربراہی میں تھانہ بانڈی پورہ کی پولیس پارٹی نے اجر چوک کے قریب ناکہ چیکنگ کے دوران ایک شخص محمد رمضان صوفی ولد عبدل خالق صوفی ساکنہ کلوسا بانڈی پورہ کو گرفتار کرلیا اور اس کے قبضے سے اسپاسمو پروکسیون پلس کے 384 کیپسول اور الپرازولم کی 240 گولیاں برامد کی۔
اس کے خلاف این ڈی پی ایس ایکٹ کی متعلقہ دفعات کے تحت ایف آئی آر نمبر 35/2021 کو تھانہ بانڈی پورہ میں درج کیا گیا اور مزید تفتیش شروع کردی گئی ہے۔
