شمالی کشمیر کے ضلع بانڈی پورہ کے متعدد دیہات میں کاشتکار ان دنوں کھیتوں میں پانی کی قلت کی وجہ سے پریشان حال ہیں۔
ضلع بانڈی پورہ کے نوگام سوناواری علاقے میں آج درجنوں کسانوں نے محکمہ آبپاشی و فلڈ کنٹرول کے خلاف احتجاج کیا- ان کاشتکاروں کا کہنا تھا کہ ان کے دھان کی کھیتوں میں پانی کی شدید قلت ہے۔ جس کے باعث ان کے پودے سوکھ جائے گے جس سے ان کی پوری زمین تباہ ہوجائے گی۔
ای ٹی وی بھارت کے ساتھ بات کرتے ہوئے مقامی زمینداروں کا کہنا تھا کہ انہوں نے حال ہی میں اپنے کھیتوں میں دھان کی پنیری لگائی ہے تاہم جب ان فصلوں کو پانی کی اشد ضرورت ہے انہی دنوں یہاں زمین خشک ہو رہی ہے جسکی وجہ سے انہیں فصلوں کو تباہ ہونے کا خدشہ لاحق ہے-
ان کے مطابق اگر ان کھیتوں کو جلدی پانی نہیں پہنچایا گیا تو وہ سوکھ جائیں گے-
ادھر اس سلسلے میں بات کرتے ہوئے میکنیکل اریگیشن محکمہ کے ایگزیکٹو انجینئر نے ای ٹی وی بھارت کو بتایا کہ وہ ان کو زیادہ تر بجلی کی وولٹیج میں کمی کے سبب کچھ علاقوں میں مشکل ہے تاہم انہوں نے کہا کہ جہاں بھی کسانوں کو لگے کہ کھیتوں کی پانی کو لیکر جب بھی ان کا کوئی مسئلہ ہو تو وہ ان کی نوٹس میں لائے وہ فوراً اس پہ کام کرینگے-
یہ بھی پڑھیں: بانڈی پورہ: پینے کے پانی کی قلت سے خواتین پریشان
