شمالی کشمیر کے ضلع بانڈی پورہ کے بانیاری شرقی علاقے میں ولر جھیل کی ڈریجینگ کی وجہ سے ایک اسکول کے ارد گرد مٹی اور کیچڑ کے ڈھیر جمع ہوگئے ہیں-
مقامی لوگوں کا کہنا ہے کہ ڈریجینگ کی وجہ سے جو مٹی یہاں جمع رکھی گئی ہے اس کی وجہ سے اسکول کے صحن میں پانی جمع ہونے کا خطرہ لاحق ہے اور مستقبل میں جب اسکول کھلے گے تو بچوں کو اس میں دشواریوں کا سامنا کرنا پڑے گا -
انہوں نے بتایا کہ ڈریجینگ کی وجہ سے جو مٹی کے ڈھیر اسکول کے آس پاس لگائے گئے ہیں انہیں نہ صرف ہٹایا جائے بلکہ یہاں مٹی اور کیچڑ آئندہ بھی جمع نہ کیا جائے-
بانیاری شرقی میں موجود یہ سرکاری اسکول اگر چہ کورونا کرفیو کی وجہ سے ان دنوں بند ہی ہے۔ تاہم مستقبل قریب میں جب اسکول کھلے گے تو بچوں کو اس وجہ سے کافی دقتوں کا سامنا کرنا پڑے گا جس کے لئے مقامی لوگوں کو خدشہ لاحق ہے کہ اگر بارش ہوئی تو اسکول اور اس کا صحن پانی میں ڈوب جائے گا- مقامی لوگوں نے یہاں کیچڑ اور مٹی کے ڈھیر نہ ڈالنے اور اس کی صفائی کا مطالبہ کیا ہے-
