جموں و کشمیر کے ضلع بانڈی پورہ میں انتظامیہ کی جانب سے گریز میں پھنسے ہوئے تقریباً 95 طلباء کو ہیلی کاپٹر کے زریعہ بانڈی پورہ لایا گیا۔ ان طلباء کو 28 فروری کو ہونے والے ایس ایس آر بی کے امتحانات میں حصہ لینا ہے۔
گریز میں پھنسے طالب علموں نے ضلع انتظامیہ سے رابطہ کیا تھا، جس کے بعد انتظامیہ کی جانب سے آرمی کے ایم آئی 17 ہیلی کاپٹر سے انہیں بانڈی پورہ لایا گیا۔ وہیں، طلباء نے ضلع انتظامیہ بانڈی پورہ کا شکریہ ادا کیا۔
بانڈی پورہ کے ضلع ترقیاتی کمشنر ڈاکٹر اویس احمد نے کہا 'ان لوگوں کو ترجیح دی گئی تھی جو امتحانات میں شرکت کرنے والے تھے'۔
یہ بھی پڑھیے
عالمی یوم سماجی انصاف پر خصوصی پیشکش
واضح رہے کہ وادی گریز اور رزدان چوٹی میں شدید برف باری کی وجہ سے گزشتہ چند ماہ سے گریز - بانڈی پورہ روڈ آمدورفت کے لیے بند تھی۔ وہیں، ضلع انتظامیہ کی جانب سے گریز میں پھنسے افراد کو واپس لانے کے پیش نظر بندوبست کیا جارہا ہے۔
