آرمی نے مقامی شخص کی مدد کی

آرمی نے ایک مقامی شخص کی کار کو پانی سے باہر نکالا۔ اس پر مقامی لوگوں نے آرمی کی اس مدد کے لیے ان کا شکریہ ادا کیا۔

شمالی کشمیر کے ضلع بانڈی پورہ کے وترینہ علاقے میں آج صبح ایک گاڑی اس وقت حادثے کا شکار ہو گئی جب لوگوں کے بقول مذکورہ کار زیر نمبر (JK15-4588) نہر زینہگیر کے کنارے ڈرائیور نے پارک کرکے رکھی تھی کہ اچانک ازخود گاڑی رینگتے ہوئے بہتی ہوئی نہر میں جا گری۔ غنیمت یہ رہی کہ کار میں اس وقت کوئی بھی سواری یا ڈرائیور موجود نہیں تھا۔

گاڑی کو پانی سے باہر نکالنے کے لیے گرچہ مقامی لوگوں نے بہت کوششیں کی لیکن وہ کامیاب نہ ہو سکے، جس کے بعد آرمی کی آر آر 27 پری بل نے آکر کار کو پانی سے باہر نکالا۔