لیفٹننٹ گورنر کے صلاح کار آر آر بھٹناگر نے آج ضلع ہسپتال باندی پورہ کا دورہ کیا۔ اس دوران انہوں نے کہا کہ سوموار سے ہسپتال کی نئی عمارت میں ایمرجنسی خدمات کو چھوڑ کر سبھی خدمات شروع کی جائیں گی۔
اس موقع پر ضلع ترقیاتی کمشنر ڈاکٹر اویس احمد، میڈیکل سپرانٹینڈنٹ ڈاکٹر بشیر احمد اور دیگر افسران بھی موجود تھے۔
بانڈی پورہ: لیفٹننٹ گورنر کے مشیر آر آر بھٹناگر نے بانڈی پورہ کا دورہ کیا
صلاح کار نے ہسپتال میں عملے کی کمی سے واقفیت حاصل کی اور یقین دلایا کہ اس مسئلہ کو جلد حل کیا جائے گا۔ انہوں نے کہا اس وقت بیشتر میڈیکل عملہ کووڈ کے خلاف جنگ میں مصروف ہے جس کی وجہ سے ہسپتالوں میں عملے کی کمی محسوس ہو رہی ہے۔
انہوں نے ضلع کے دیگر علاقوں کا دورہ بھی کیا اور عوامی مسائل کی جانکاری حاصل کی۔
