عالمی وبا کورونا وائرس کے متعدد مثبت معاملے سامنے آنے کے بعد ضلع بانڈی پورہ میں حکام نے شادی پورہ کے چار دیہات کو ’’ریڈ زون‘‘ اور اس کے آس پاس کے علاقوں کو ’’بفر زون‘‘ قرار دیا۔
ضلع مجسٹریٹ بانڈی پورہ ڈاکٹر اویس احمد نے جمعہ کو نیو کالونی، ڈھاکہ محلہ، مین مارکیٹ اور ہرکار محلہ کو ریڈ زون قرار دینے کے احکامات جاری کیے۔
ملحقہ دیہات بشمول تریگام، گندِ خلیل اور شاہ پور کو بفر زون قرار دے دیا گیا ہے اور عوام کی نقل و حرکت پر پابندی کے لئے ان علاقوں میں بندشیں عائد کردی گئی ہیں۔
![کورونا وائرس: بانڈی پورہ میں چار دیہات روڈ زون قرار](https://etvbharatimages.akamaized.net/etvbharat/prod-images/4habitationsofshadiporadeclaredredzones_24072020185500_2407f_1595597100_147.jpg)
ضلع مجسٹریٹ نے کہا کہ ’’انسانی جان، صحت اور حفاظت کے پیش نظر اور وبا کے پھیلائو کو روکنے کے لیے دفعہ 144 سی آر پی سی کے تحت پابندی نافذ کرنا ناگزیر ہو گیا ہے۔‘‘
ڈسٹرکٹ مجسٹریٹ کی طرف سے منظور شدہ ہدایات کے مطابق، جو ضلع ڈیزاسٹر مینجمنٹ اتھارٹی کے چیئرمین بھی ہیں، ان دیہات میں کسی بھی شخص کی نقل و حرکت پر پابندی عائد رہے گی، تاہم کسی بھی طبی ایمرجنسی کے لئے 24X7 کنٹرول روم 01957-225024 یا 01957-225323 کے ساتھ رابطہ قائم کیا جا سکتا ہے۔