کانگریس کے سینیئر رہنما و آسام کے سابق وزیراعلی ترون گوگوئی پر شدید نکتہ چینی کرتے ہوئے کہا ہے کہ' ہریانہ اور مہاراشٹر میں ہوئے اسمبلی انتخابات کے نتائج سے یہ اشارہ ملتا ہے کہ وزیراعظم نریندرمودی اب اپنی مقبولیت کھورہے ہیں۔
گوگوئی نے وزیراعظم کو اپی تنقید کا ہدف بناتے ہوئے کہا کہ' بی جے پی کا کانگریس مکت بھارت کا خواب، خواب ہی رہ جائے گا۔ مودی اب پر بار عوام کو جذباتی طور سے بے وقوف نہیں بناسکتے ہیں۔
گزشتہ لوک سبھا انتخابات میں کانگریس کی کارکردگی پر انھوں نے کہا کہ' اگر پارٹی میں سب لوگ مل کر کام کریں گے تو آئندہ وقت کانگریس کے لیے اچھا رہے گا۔
آسام میں قائم ایک حراستی کیمپ میں ہوئی دو لوگوں کی موت پر گوگوئی نے کہا کہ' حکومت کی لاپروائی کے سبب یہ سانحہ پیش آیا ہے اور یہ انسانی حقوق کی صریح خلاف ورزی ہے۔
انھوں نے یہ بھی کہا کہ' کانگریس ان تمام لوگوں کو رہا کرنے کا مطالبہ کرتی ہے جو حراستی کیمپ میں بند کردیے گئے ہیں۔
