آسام میں پولیس نے ہیلاکانڈی ضلع میں چھ سال کی بچی کے ساتھ عصمت دری کرنے کے بعد اس کا قتل کرنے کے الزام میں ایک 15سالہ نابالغ کو بدھ کو گرفتار کیا۔Teenager Arrested for Rape and Murder of 6-Year-Old Girl in Assam’s Hailakandi
یہ واقعہ ہیلاکانڈی ضلع میں کاٹھلی چیرا اسمبلی علاقے کے سلطانی چیرا علاقے کا ہے۔
ہیلاکانڈی کے پولیس سپرنٹنڈنٹ گورو اپادھیائے نے کہا،’’ہم نے چھ سال کی بچی کے ساتھ عصمت دری اور اسے قتل کرنے کے الزام میں ایک نابالغ کو گرفتار کیا ہے۔
جرم سے جڑے ثبوتوں کو تباہ کرنے کی کوشش کےلئے ملزم کے باپ کو بھی گرفتار کیا گیا ہے۔آگے کی جانچ چل رہی ہے۔‘‘
ملزم بچی کو جنگل میں لے گیا، جہاں اس نے مبینہ طورپر اس کی عصمت دری کی اور بعد ازاں اسے قتل کردیا۔ بچی نو فروری سے لاپتہ بتائی جارہی ہے۔
تین دن کی تلاش کے بعد بچی کی لاش جنگل سے برآمد کی گئی۔ جسے پوسٹ مارٹم او رمیڈیکل جانچ کے لئے ہیلاکانڈی سیول ہسپتال بھیج دیا گیا۔
یواین آئی
