آسام میں ماؤنوازوں کا مقابلہ کرنے کے دوران ضلع مظفر نگر کے عمران نامی فوجی اہلکار ہلاک ہوئے تھے تاہم ان کے اہل خانہ نے ان کی آخری رسومات ادا کرنے سے یہ کہہ کر انکار کردیا ہے کہ جب تک ان کو بچے کو شہید کا درجہ نہیں دیا جائے گا تب تک وہ آخری رسومات ادا نہیں کریں گے۔
اطلاعات کے مطابق ہلاک شدہ فوجی اہلکار کے اہل خانہ نے انتظامیہ سے عمران کو شہید کا درجہ دینے کا مطالبہ کیا ہے۔ ان کا کہنا ہے کہ ان کی آخری رسومات ادا کرنے کے لیے محکمہ پولیس کی جانب سے کوئی انتظام نہیں کیا گیا جس سے ظاہر ہوتا ہے کہ انہیں شہید کا درجہ نہیں دیا گیا ہے۔
انہوں نے مزید کہا کہ ہلاک شدہ اہلکار کے چھوٹے چھوٹے بچے ہیں۔ حکام نے ان کے لیے کوئی بھی معاوضہ نہیں دیا جس کی وجہ سے ان کے پسماندگان در در کی ٹھوکریں کھانے پر مجبور ہوجائیں گے۔
انہوں نے کہا کہ جب تک عمران کو شہید کا درجہ نہیں دیا جاتا تب تک ان کی آخری رسومات ادا نہیں کی جائے گی۔
عمران کے اہلخانہ نے انتظامیہ کے اعلیٰ افسران کو اس معاملے میں مداخلت کرنے کی اپیل کی ہے۔
