مولانا بدرالدین اجمل قاسمی کی سربراہی والی آل انڈیا یونائیٹیڈ ڈیمو کریٹک فرنٹ (اے آئی یو ڈی ایف) کا کہنا ہے کہ وہ اس بار صرف انہیں تین سیٹوں پر اپنے امیدوار اتارے گی جہاں سے اسے 2014 کے الیکشن میں کامیابی ملی تھی۔
واضح رہے کہ 2014 کے الیکشن میں اے آئی یو ڈی ایف کو دھبری، کریم گنج، بارپیٹا پارلیمانی حلقوں سے کامیابی ملی تھی۔
اس بار بھی دھبری پارلیمانی حلقہ سے پارٹی کے صدر مولانا بدرالدین اجمل، کریم گنج سے بھی موجودہ رکن پارلیمان رادھے شیام بسواس جبکہ بارپیٹا سے ڈاکٹر حافظ رفیق الاسلام پارٹی کے امیدوار ہوں گے۔
آج گوہاٹی میں پریس کانفرنس کو خطاب کرتے ہوئے پارٹی کے جنرل سکریٹری اڈووکیٹ امین الاسلام نے کہا کہ ہمارا مقصد سیکولر ووٹوں کی تقسیم کو روکنا ہے، تاکہ بی جے پی کو اقتدار سے روکا جا سکے ۔ کیوںکہ وہ ملک کے لئے بھی خطرناک ہے اور آسام کے لئے بھی۔بی جی پی کے پانچ سالہ دور میں ملک نے جو بدتر حالات دیکھے ہیں اور جس طرح سے یہ ہر محاذ پر ناکام ہوئی ہے اس کے پیش نظر اس پارٹی کا دوبارہ حکومت میں آنا ملک کے مفاد میں نہیں ہے'۔
ان کا مزید کہنا تھا بی جے پی سیٹیزن شپ بل کے ذریعہ آسام میں بد امنی، بے انتظامی، اور فرقہ پرستی کو ہوا دینا چاہتی ہے۔ اور یہ یہاں کی عوام کو منظور نہیں ہے۔ اس لئے ہماری کوشس ہے کہاس پارٹی اور اس کے محاذ میں شامل پارٹیوں کی شکست کو یقینی بنایا جائے۔
پارٹی کارکنان کی خو اہش کے با وجود، ہماری پارٹی نے فیصلہ کیا ہے کہ ہم صرف اپنی موجودہ تین سیٹ پر ہی الیکشن لڑیں گے۔
امیدواروں کے نام
1۔ مولانا بدرالدین اجمل (دھبری )
2۔ رادھے شیام بسواس (کریم گنج)
3۔ ڈاکٹر حافظ رفیق الاسلام (بارپیٹا)
