کسانوں کی بڑی تعداد نے اکٹھا ہوکر ضلع گنٹور کے تللورو میں اپنے گھروں کو چھوڑ کر سڑک پر رہنا اور کھانا بنانا شروع کردیا۔
واضح رہے کہ آندھراپردیش حکومت نے دارلحکومت کو تین شہروں میں منتقل کرنے کا فیصلہ کیا ہے۔ جس کی بڑے پیمانے پر مخالفت کی جارہی ہے۔
خصوصا کسان اس فیصلے کے سخت مخالف ہیں۔ کیونکہ جب امراوتی کو دارلحکومت بنایا جارہا تھا اس وقت کسانوں سے اراضی حاصل کی گئی تھی، اس وقت انھیں اراضی دینے کی ترغیب دی گئی تھی۔
اور امراوتی کی ترقی سے کسانوں کے بہتر مستقبل کا حکومت نے تیقن دیا تھا۔
کسانوں کا کہنا ہیکہ اس وقت اپوزیشن رہنما کے طور پر وائی ایس جگن موہن ریڈی نے امراوتی کی ترقی اور کسانوں کو ان کا معاوضہ دینے کی بات کہی تھی، اور آج جب وہ وزیر اعلی ہیں تو وہ اپنے ہی موقف سے ہٹ رہے ہیں۔
