حیدرآباد: آندھراپردیش میں عنقریب ایک اور وندے بھارت ٹرین دستیاب کروائی جائے گی۔ وجئے واڑہ اور چنئی کے درمیان وندے بھارت خدمات اس ماہ کی 7 تاریخ سے شروع ہوں گی۔ وزیر اعظم مودی ورچول بنیادوں پر پورے ملک میں پانچ وندے بھارت ٹرینوں کا آغاز کریں گے۔
وجے واڑہ ڈویژن کے ریلوے حکام نے بتایا کہ وجئے واڑہ۔چنئی کے درمیان ایک ٹرین چلائی جائے گی۔ متعلقہ حکام پہلے ہی افتتاح کی تیاریوں میں مصروف ہیں۔ حکام کا کہنا ہے کہ اس ٹرین کی خدمات 8 جولائی سے دستیاب کروائی جائے گی۔وجئے واڑہ اور چنئی کے درمیان کن اسٹیشنوں پر اس ٹرین کا توقف ہوگا، اس کے آنے اور روانگی کا شیڈول، ٹکٹ کی قیمتوں وغیرہ کا اعلان ایک یا دو دن میں کیا جائے گا۔ وجئے واڑہ ڈویژن کے ریلوے حکام نے اس ٹرین کو رینی گنٹہ کی روٹ پر چلانے کی درخواست کی ہے۔ یہ ٹرین گڈور، رینی گنٹہ، کٹ پڈی کی روٹ سے گذرتے ہوئے وجئے واڑہ سے چنئی جائے گی اور اسی روٹ سے واپس آئے گی۔
مزید پڑھیں: وندے بھارت ایکسپریس میں بھی گھٹیا معیار کا کھانا
واضح رہے کہ ملک بھر میں وندے بھارت ٹرین کو لانچ کیا گیا اس ٹرین کی خدمات کو ملک کے مختلف علاقوں میں شروع کیا گیا۔ کئی ریاستوں میں وندے بھارت کا ٹرینوں کا افتتاح وزیراعظم نریندر مودی کے ہاتھوں ہی کیا گیا۔ اس دوران وزیر اعظم نریندر مودی نے وندے بھارت ٹرینوں کو ہری جھنڈی دکھا کر روانہ کیا۔ جبکہ کئی مقامات پر وندے بھارت ٹرین میں افتتاح کے موقع پر سوار مسافروں اور طلبہ سے وزیراعظم نے ٹرین کے تعلق سے تبادلہ خیال بھی کیا۔ جبکہ اپوزیشن پارٹیوں نے وزیراعظم کے ہاتھوں وندے بھارت ٹرینوں کے افتتاح پر نکتہ چینی بھی کی ہے۔
یو این آئی
