جی سیٹ۔1 سٹلائیٹ پانچ مارچ کو خلأ میں چھوڑا جائے گا

بھارتی خلائی تحقیقاتی ادارہ (اسرو) نے کہا ہے کہ جی ایس ایل وی۔ایف 10، مارچ کی پانچ تاریخ کو آندھراپردیش کے ضلع نیلور کے سری ہری کوٹہ کے ستیش دھون خلائی مرکز سے جی سیٹ۔1سٹلائیٹ کوچھوڑے گا۔

یہ سٹلائیٹ شام پانچ بجکر43 منٹ پر چھوڑا جائے گا۔ اسرو نے کہا کہ جیوسنکرونس سٹلائیٹ لانچ وہیکل(جی ایس ایل وی۔ایف10) اس جی سیاٹ 1 سیٹلائیٹ کو چھوڑے گا تاہم اس کا چھوڑنا موسمی حالات پر منحصر ہوگا۔

2275کلووزنی جی سیٹ1 زمین کا مشاہداتی عصری سٹلائیٹ ہے جس کو مدار میں چھوڑا جائے گا۔خلائی ادارہ نے کہا کہ یہ جی ایس ایل وی کی 14ویں پرواز ہوگی۔