شوبھایاترا میں گنیش کی مورتی کو آگ لگ گئی

آندھراپردیش کے اننت پور ضلع کے ہندوپور میں گنیش شوبھایاترا کے دوران مورتی میں آگ لگ گئی۔

اس یاترا کے دوران نوجوانوں کی جانب سے پٹاخے جلائے جانے کے دوران اچانک مورتی کے ایک حصہ میں آگ لگ گئی۔یہ آگ مورتی کے ایک حصہ میں لگی اور پھیلنے لگی تاہم یاترا میں شامل چوکس نوجوانوں کی جانب سے فوری طور پر کوششیں کرتے ہوئے اس آگ کو بجھایا گیا، جس کے بعد تمام نے راحت کی سانس لی۔اس واقعہ میں کس کے بھی جھلسنے کی کوئی اطلاع نہیں ہے۔