وجئے واڑہ: دیوالی کے موقع پر ریاست آندھرا پردیش کے وجے واڑہ میں پٹاخوں کی دکان میں آگ لگ گئی جس کے نتیجہ میں دو افراد جھلس کر ہلاک ہوگئے۔ وجئے واڑہ کے گاندھی نگر جمخانہ گراؤنڈ میں پٹاخوں کی دکانیں قائم کی گئی ہیں۔ اتوار کی صبح ایک دکان میں پٹاخہ پھٹ گیا جس کے نتیجہ میں دکان میں اچانک آگ لگ گئی۔ دیکھتے ہی دیکھتے دکان میں رکھے تمام پٹاخے پھٹ گئے اور آگ متصل دو دکانوں تک پھیل گئی جس سے تین دکانیں جل کر خاکستر ہوگئیں۔ Fire in firecracker shop in Vijayawada
اطلاع ملتے ہی فائر بریگیڈ اور پولیس موقع پر پہنچ گئی۔ فائر بریگیڈ کی چار گاڑیوں کی مدد سے آگ پر کافی جدوجہد کے بعد قابو پایا گیا۔ مرنے والوں کی شناخت پٹاخوں کی دکان کے ملازمین کے طور پر ہوئی ہے۔ پولیس نے اس سلسلہ میں ایک معاملہ درج کرکے جانچ شروع کر دی۔
یہ بھی پڑھیں: Fire Broke out in Hyderabad حیدرآباد میں فرنیچر کی دکان میں آگ لگ گئی
یو این آئی
