آندھرا پردیش کے وشاکھا اسٹیل پلانٹ کی نجی کاری کے خلاف طلبہ کی بڑی تعداد نے ناراضگی کا اظہار کرنے کے لیے موم بتیوں کے ساتھ کل رات کو ریلی نکالی۔
وشاکھا پٹنم کی بیچ روڈ کے قریب بھگت سنگھ کے مجسمہ پر خراج پیش کرنے کے بعد نکالی گئی اس ریلی میں کثیرتعداد میں نوجوانوں نے حصہ لیتے ہوئے مرکز کے اس اعلان کو واپس لینے کا مطالبہ کیا اور حکومت کے خلاف نعرہ بازی کی۔
ڈی وائی ایف آئی، ایس ایف آئی کی جانب سے یہ مومی شمعوں کی ریلی نکالی گئی۔ انہوں نے بھگت سنگھ، راج گرو، سُکھ دیو کے جذبہ کے ساتھ وشاکھا اسٹیل پلانٹ کی نجی کاری کے خلاف تحریک جاری رکھنے کا عزم کیا۔
یواین آئی
