اچن نائیڈو کی گرفتاری اور وائی ایس آرکانگریس پارٹی کے رکن راجیہ سبھا وجئے سائی ریڈی کی سریکاکلم آمد کے موقع پر کشیدہ ماحول دیکھا گیا۔ اچن نائیڈو کی گرفتاری سے پہلے پولیس کا بھاری بندوبست دیکھا گیا۔
واضح رہے کہ اچن نائیڈو نے اپنے رشتہ دار اپننا سے خواہش کی تھی کہ وہ پرچہ نامزدگی داخل نہ کریں تاہم اپننا نے ایسا کرنے سے انکارکردیا اور کہاکہ ان کی بیوی تلگودیشم کے دور حکومت میں سرکاری ملازمت سے محروم ہوگئی تھی اور ان کے خاندان کو تلگودیشم سے فائدہ نہیں ہوا۔
جب اپننا نے پرچہ نامزدگی داخل کرنے کا فیصلہ کیا تو تلگودیشم کے کارکنوں اور اچن نائیڈو کے حامیوں کی بڑی تعداد اپننا کے مکان پہنچی اور ان کو مکان سے باہر آنے سے روک دیا۔اتوار کو پیش آئے اس واقعہ میں اپنا کے مکان کے قریب کشیدگی دیکھی گئی تھی جس کے بعد پولیس وہاں پہنچی اور دونوں جماعتوں کے کارکنوں کو منتشر کردیا۔
اپننا نے پولیس کی موجودگی میں بالاخر پرچہ نامزدگی داخل کیا۔اپننا کی شکایت پر پولیس نے تلگودیشم کے 20کارکنوں کے خلاف معاملہ درج کیا تھا اور اب تک 13کی گرفتاری عمل میں لائی گئی ہے۔
