ریاست آندھرا پردیش کے گورنر وشوابھوشن ہری چندن نے یوم جمہوریہ کے موقع پر رسم پرچم کشائی کی اور ترنگے کو سلامی دی۔
اس موقع پر منعقدہ تقریب سے خطاب کرتے ہوئے انہوں نے ملک کی آزادی کے لیے جان قربان کرنے والوں کو یاد کیا اور ان کو خراج پیش کیا۔
انہوں نے عوام پر زور دیا کہ وہ امن و امان اور ملک کی ترقی کے لیے عظیم رہنماؤں کی تقلید کریں۔
انہوں نے کہا کہ ریاستی حکومت زراعت، تعلیم، صحت، طب اور دیگر شعبہ جات کو ترجیح دے رہی ہے۔
یہ بھی پڑھیں: اسدالدین اویسی نے مدرسہ میں قومی پرچم لہرایا
انہوں نے غریبوں کے مفاد میں ریاستی حکومت کی جانب سے شروع کی گئی بیشتر فلاحی اسکیموں کی ستائش بھی کی۔ گورنر نے ساتھ ہی آنجہانی گلوکار ایس پی بالاسبرامنیم کو پدم بھوشن ایوارڈ دیے جانے کے اعلان پر مسرت کا اظہار کیا جن کی حال ہی میں کووڈ- 19 کی وجہ سے موت ہوگئی تھی۔
اس موقع پر ریاست میں ترقیاتی کاموں کو اجاگر کرتے ہوئے پیش کی گئی جھانکیوں کا بھی گورنر نے مشاہدہ کیا۔ تقریب میں وزیر اعلی وائی ایس جگن موہن ریڈی کے ساتھ ساتھ دیگر اہم شخصیات نے شرکت کی۔
یو این آئی
