جنوبی کشمیر کے ضلع اننت ناگ میں ’’ساؤتھ کشمیر ٹرانسپورٹز‘‘ کی جانب سے ہڑتال اور احتجاجی مظاہرے کیے گئے۔
ٹرانسپورٹرز کی ہڑتال کے سبب عام لوگوں کو ایک جگہ دے دوسری جگہ آنے جانے میں سخت دشواریوں کا سامنا کرنا پڑا۔
ساوتھ کشمیر ٹرانسپورٹرز سے وابستہ ڈرائیور حضرات نے اننت ناگ میں مہندی کدل سے لال چوک تک حکومت کے خلاف ایک احتجاجی ریلی نکالی۔
احتجاجی مظاہرین اونتی پورہ میں حال ہی میں قیام پزیر ٹول پلازا کے فیس کو کم کرنے اور ’مبہم جی پی آر ایس‘ پالیسی پر نعرے بازی کر رہے تھے۔
احتجاجی مظاہرین کا کہنا تھا کہ اگر حکومت اپنے فیصلے میں تبدیلی نہیں لائے گی تو ٹرانسپورٹرز اپنے احتجاج میں شدت لانے کے لیے مجبور ہوجائیں گے۔
احتجاجی ریلی پُر امن طریقے پر اختتام پذیر ہوئی۔
واضح رہے کہ مرکزی حکومت نے چند روز قبل ایک حکمنامہ جاری کیا تھا جس میں ٹرانسپورٹرز کو اپنی گاڑیوں میں ایک چپ (chip) لگانی ناگزیر ہے جس سے گاڑیوں کی حرکت اور انکی موجودگی کا ہر وقت پتہ لگایا جا سکے۔
ٹرنسپورٹرس ایسوسی ایشن کے مطابق انتظامیہ نے کچھ مخصوص ٹھیکہ داروں سے چپ لگوانے کی ضد کی ہے جو مجوزہ قیمت سے کئی گنا مہنگی چپ فروخت کر رہے ہیں۔
اس پر ڈرائیوروں نے سخت برہمی کا اظہار کیا ہے۔
