سڑک حادثے میں تین افراد زخمی

جنوبی کشمیر کے ضلع اننت ناگ میں ایک سڑک حادثے کے دوران تین افراد زخمی ہوئے ہیں جن میں سے ایک کی حالت نازک ہے۔

جموں و کشمیر میں ضلع اننت ناگ کے دیالگام علاقے کے قریب ایک آٹو لوڈ کیرئر حادثے کا شکار ہوا اور اس میں سوار تین افراد زخمی ہو گئے۔

زخمیوں کو فوری طور نزدیکی اسپتال پہنچایا گیا جہاں معالجین نے زخمیوں میں سے ایک کی نازک حالت کے چلتے اُسے ضلع اسپتال ریفر کیا۔ جبکہ معالجین کے مطابق دیگر زخمیوں کی حالت مستحکم ہے۔

بتایا جا رہا ہے کہ یہ حادثہ تیز رفتاری کے باعث پیش آیا ہے۔ ڈرائیور گاڑی پہ قابو نہ کر سکا اور حادثہ پیش آیا۔