ضلع اننت ناگ کے بجبہاڑہ، سری گفوارہ علاقے میں اُس وقت کہرام مچ گیا جب ایک مقامی خاتوں کے سڑک حادثے میں فوت ہونے کی خبر موصول ہوئی۔
یہ حادثہ اس وقت پیش آیا جب کاٹھسو، بجبہاڑہ میں پیدل چل رہی ایک خاتون کو تیز رفتار گاڑی نے زور دار ٹکر مار کر شدید طور پر زخمی کر دیا۔
زخمی خاتون کو نازک حالت میں علاج و معالجے کے لئے ایس ڈی ایچ اسپتال پہنچایا جہاں وہ زخموں کی تاب نہ لاکر چل بسی۔
فوت ہونے والی خاتون کی شناخت ویدے، سری گفوارہ کی زینہ بیگم زوجہ عبدالاحد کھانڈے کے طور پر ہوئی ہے۔
کشمیر میں سڑک حادثوں کے دوران روزانہ ہلاکتیں واقع ہوتی ہیں۔ لوگوں کا الزام ہے کہ حکام سڑک حادثوں کو روکنے کیلئے مؤثر اقدامات نہیں اٹھارہی ہے۔
