اننت ناگ میں تازہ برف باری اور مسلسل بارش سے عام زندگی مفلوج

جنوبی کشمیر کے اننت ناگ ضلع میں تازہ برف باری اور موسلادھار بارش کی وجہ سے عام زندگی مفلوج ہوکر رہ گئی ہے۔ وہیں میوہ باغات اور دیگر زرعی فصلوں کو بھی شدید نقصان پہنچا ہے۔ کئی علاقوں میں رابطہ سڑکوں کے ڈھہ جانے کی وجہ سے نقصان پہنچنے کی اطلاعت موصول ہوئی ہے۔

وہیں قصبہ اننت ناگ میں ناقص ڈرینج نظام کی وجہ سے آنچی ڈورہ، اشاجی پورہ، گانجی واڑہ، کے پی روڈ اور جنرل بس اسٹینڈ سمیت کئی علاقے زیر آب ہو گئے ہیں۔ جس کی وجہ سے لوگوں کو سخت مشکلات کا سامنا کرنا پڑرہا ہے۔

لوگوں کے مطابق ڈرینج نظام کو درست کرنے کی متعلقہ حکام اور میونسپلٹی کو اپیل کی گئی لیکن اس کے باوجود بھی اس جانب توجہ نہیں دی گئی۔ لوگوں کے مطابق ناقص ڈرینج سسٹم اور ناجائز تجاوزات کی وجہ سے اکثر بارش میں ان مشکلات کا سامنا کرنا پڑتا ہے۔

اننت ناگ میں تازہ برف باری اور مسلسل بارش سے عام زندگی مفلوج

مقامی لوگوں نے انتظامیہ سے فوری راحت پہنچانے کا مطالبہ کیا ہے اور قصبہ میں ڈرینج سسٹم کو صحیح اور ان پر ناجائز تجاوزات کو منہدم کرنے کی اپیل کی ہے۔