اگرچہ وادی میں کورونا وائرس کے مریضوں کا نہ تھمنے والا سلسلہ جاری ہے، تاہم حکومت کی جانب سے اس مہلک وبا پر قابو پانے کے سلسلہ میں سنجیدہ اقدامات کیے جا رہے ہیں۔ ضلع انتظامیہ اننت ناگ کی جانب سے قاضی گنڈ لوور منڈا کے مقام پر ایک سیمپل کلیکشن مرکز قائم کیا گیا ہے۔ اگر چہ اس سے قبل اس مقام پر صرف تھرمل سکریننگ کی جاتی تھی، تاہم اب مذکورہ مقام پر باضابطہ طور وادی میں داخل ہونے والے تمام غیر ریاستی افراد کے نمونے اکٹھے کیے جا رہے ہیں، تاکہ کوئی بھی مسافر وادی میں مہلک وبا کو مزید پھیلنے کا سبب نہ بن سکے۔
انہوں نے کہا کہ نمونہ حاصل کرنے کے بعد مذکورہ افراد کو جانچ رپورٹ موصول تک قرنطینہ میں رکھا جاتا ہے۔ ان کا کہنا ہے کہ غیر ریاستی مزدوروں کی بڑھتی تعداد کے مدنظر انتظامیہ نے یہ قدم اٹھایا ہے۔
واضح رہے کہ رواں برس امرناتھ یاترا کو صرف پندرہ روز تک محدود رکھا گیا ہے جو 21 جولائی سے شروع ہوگی۔ اس تناظر میں مذکورہ سیمپل کولیکشن سینٹر کو یاتریوں کے لیے بھی استعمال کیا جائے گا۔
