مرگن اور سنتھن ٹاپ رابطہ سڑکوں کی بحالی کے انتظامات کا جائزہ

ضلع ترقیاتی کمشنر اننت ناگ انشول گرگ نے مرگن اور سنتھن ٹاپ سڑکوں کی بحالی کی پیشرفت کو لے کر متعلقہ افسران کے ساتھ ایک میٹنگ منعقد کی ۔

میٹنگ میں بتایا گیا کہ گاورن سے مرگن ٹاپ تک 24 کلو میٹر سڑک کی لمبائی میں سے 08 کلو میٹر سے برف کو صاف کرلیا گیا ہے۔ ڈی سی نے متعلقہ افسران کو ہدایت کی کہ وہ اپنے افراد اور مشینری کو متحرک کریں تاکہ مرگن ٹاپ کی طرف جانے والی سڑک کے باقی حصہ سے برف صاف کیا جائے ۔

یہ بھی بتایا گیا کہ 24 کلومیٹر رابطہ سڑک میں سے، 14 کلومیٹر پر پہلے ہی تارکول بچھایا گیا تھا اور باقی دیگر 10 کلومیٹر پر بھی رواں برس میگڈم بچھایا جائے گا۔سنتھن ٹاپ کی طرف جانے والی سڑک کے بارے میں متعلقہ افسران نے بتایا کہ اگلے دو روز میں سڑک کے آخری دو کلومیٹر سے بھی برف ہٹائی جائے گی...اور انتظامیہ کے فیصلہ کے بعد رابطہ سڑک کو مارچ کے اوائل میں چھوٹی گاڑیوں کی آمدورفت کے لئے کھولا جائے گا