ٹیچرز نے ٹائم بانڈ پروموشن کے لیے احتجاج کیا

احتجاجیوں کے مطابق اگر چہ حکومتی احکامات کے مطابق ٹائم بانڈ پورا کرنے کے بعد تمام تر لوازمات کو پورا کیا گیا، تاہم ابھی تک انہیں نظر انداز کیا جا رہا ہے۔

جموں کشمیر رہبر تعلیم ٹیچرس فورم کے بینر تلے آج اننت ناگ جوائنٹ ڈائریکٹر آف ایجوکیشن کے دفتر کے احاطے میں اساتذه نے خاموش احتجاج کیا۔

اساتذہ کا کہنا ہے کہ انکی ٹائم بانڈ پروموشن کے لیے اگرچہ حکمت عملی وضع ہے لیکن اسکے باجود بھی اننت ناگ کے چیف ایجوکیشن افسر کے دفتر میں اس سے منسلک فائلیں دھول چاٹ رہی ہیں۔

انہوں نے کہا کہ کئی بار افسران کی نوٹس میں لانے کے بعد آج تک انکے دیرینہ مطالبات کو حل نہیں کیا گیا۔

احتجاجیوں کے مطابق اگر چہ سرکاری احکامات کے مطابق ٹائم بانڈ پورا کرنے کے بعد تمام تر لوازمات کو پورا کیا گیا، تاہم ابھی تک انہیں نظر انداز کیا جا رہا ہے۔ جسکی وجہ سے ایسے مستحق اساتذہ کے ساتھ ناانصافی روا رکھی جا رہی ہے۔

انہوں نے ڈائریکٹر ایجوکیشن کشمیر سے ایک او ایس ڈی تعینات کرنے کی اپیل کرتے ہوئے اس مسلے میں ذاتی مداخلت کی اپیل کی ہے۔