اہلن گڈول کے لوگ شر پسند عناصر کے خلاف سراپا احتجاج

لوگوں کا کہنا ہے کہ علاقے میں کچھ شر پسند عناصر اہلن بالا کے پنچ اور سرپنچوں کو کئی دنوں سے دھمکیاں دے رہے ہیں۔ پنچ و سرپنچ اپنا کام کاج ایمانداری اور نیک نیتی سے انجام دے رہے ہیں۔ تاہم چند لوگوں کی ساز باز کی وجہ سے علاقے کی تعمیر و ترقی میں یہ افرد رخنہ ڈال رہے ہیں۔

جنوبی ضلع اننت ناگ کے کوکرناگ کے اہلن گڈول کے لوگوں نے علاقہ کے چند شر پسند عناصر کے خلاف احتجاج کیا۔
مقامی لوگوں کا کہنا ہے کہ علاقے میں جاری تعمیر و ترقی کے کام کاج میں چند شر پسند عناصر خلل ڈال رہے ہیں۔ اس سے علاقہ کے لوگوں میں غصہ پایا جاتا ہے۔

لوگوں کا کہنا ہے کہ علاقے میں کچھ شر پسند عناصر اہلن بالا کے پنچ اور سرپنچوں کو کئی دنوں سے دھمکیاں دے رہے ہیں۔ جو پنچ و سرپنچ علاقے میں منتخب ہوئے ہیں، وہ اپنا کام کاج ایمانداری اور نیک نیتی سے انجام دے رہے ہیں۔ تاہم چند لوگوں کے ملی بھگت کی وجہ سے علاقے کی تعمیر و ترقی میں یہ افرد رخنہ ڈال رہے ہیں۔ اس کی وجہ سے مذکورہ علاقے کے لوگ پریشان ہو چکے ہیں۔ احتجاجیوں نے پولیس و انتظامیہ سے مداخلت کی اپیل کرتے ہوئے کہا کہ ان افراد کے خلاف کارروائی کی جائے، تاکہ مذکورہ علاقے میں تعمیر و ترقی کی راہ ہموار ہو۔