اننت ناگ: کپرن علاقے میں پی ڈی ڈی کے خلاف احتجاج

کپرن، اننت ناگ کے باشندوں نے بتایا کہ محکمہ بجلی کی جانب سے علاقے میں ناقص ٹرانسفارمر نصب کیا گیا ہے جو آئے روز خراب ہو جاتا ہے۔

جنوبی کشمیر کے کپرن، اننت ناگ میں لوگوں نے محکمہ بجلی کے خلاف احتجاجی مظاہرہ کیا۔

احتجاج کر رہے باشندوں نے دعویٰ کیا کہ انکے علاقے میں گزشتہ کئی دنوں سے بجلی ٹرانسفارمر خراب ہونے کے باعث قریب 150 کنبوں پر مشتمل آبادی گھپ اندھرے میں ہے۔

انہوں نے کہا کہ بجلی کی عدم دستیاب کے سبب لوگوں خاص طور پر طلبہ کو مشکلات سے دوچار ہونا پڑ رہا ہے۔

احتجاج کر رہے لوگوں نے بتایا کہ محکمہ بجلی کی جانب سے علاقے میں ناقص ٹرانسفارمر نصب کیا گیا جو آئے روز خراب ہو جاتا ہے۔

انہوں نے دعویٰ کیا کہ کئی مرتبہ اعلیٰ حکام سے گزارشات کرنے کے باوجود علاقے میں اعلیٰ کوالٹی کا ٹرانسفارمر نصب نہیں کیا جا رہا۔

احتجاجیوں نے محکمہ بجلی سے علاقے میں ٹرانسفارمر نصب کیے جانے کی اپیل کی۔