Women's Program Held in Pulwama: آزادی کا امرت مہوتسو کے تحت خواتین کے لیے تقریب کا اہتمام

گورنمنٹ ڈگری کالج پامپور میں آزادی کا امرت مہوتسو کے تحت پروگرام کا انعقاد کیا گیا۔ اس موقع پر پرنسپل گورنمنٹ ڈگری کالج پانپور ڈاکٹر سیما ناز نے اپنے خطاب میں کشمیری خواتین کی شاندار کامیابیوں کو اجاگر کیا اور نوجوان لڑکیوں کو اپنے خوابوں کو پورا کرنے کی ترغیب دی۔ Women's Program Held in Pulwama

پلوامہ: جموں و کشمیر کے ضلع پلوامہ کے گورنمنٹ ڈگری کالج پامپور نے ویمن ڈیولپمنٹ سیل کے اشتراک سے علامی یوم خواتین کے پیش نظر ڈگری کالج پامپور میں 'تعصب کو توڑ دو' کے عنوان سے ایک پروگرام کا انعقاد کیا۔ International Women's Day

اس موقع پر ڈپٹی سیکریٹری قانون، محکمہ فلوریکلچر، کشمیر نرگس نواب، جوائنٹ رجسٹرار ہائی کورٹ آف جموں وکشمیر اور لداخ نصرت حقاق، (آئی پی ایس، ڈپٹی سپرنٹنڈنٹ پولیس سید سلیت شاہ، ریسورس کوآرڈینیٹر، IIM جموں عزرا مفتی، محققین ہائی کورٹ سحر جان، مصنف ومترجم پروفیسر نیرج متو، ڈاکٹر سیماناز پرنسپل گورنمنٹ ڈگری کالج پامپور اور طلباء کی ایک اچھی تعداد نے پروگرام میں شرکت کیا۔

پرنسپل گورنمنٹ ڈگری کالج پانپور ڈاکٹر سیما ناز نے تقریب سے خطاب میں کہا کہ انہوں نے کشمیری خواتین کی شاندار کامیابیوں کو اجاگر کیا اور نوجوان لڑکیوں کو اپنے خوابوں کو پورا کرنے کی ترغیب دی۔

ڈپٹی سیکرٹری قانون محترمہ نرگس نواب نے اپنے خطاب میں موجودہ دور میں خواتین کے کردار پر روشنی ڈالتے ہوئے کہا کہ 'یہ دنیا خواتین کے بغیر ادھوری ہے۔ اس لیے خواتین کو مساوی حقوق دینے چاہئیں، تاکہ یہ معاشرہ ترقی کرسکے۔

انہوں نے کہا کہ خواتین زندگی کے تمام شعبوں میں مردوں کے برابر ہے اور یہ معاشرہ اس وقت تک آگے نہیں بڑھ سکتا جب تک خواتین کو مساوی حقوق نہیں دیے جائیں۔

محترمہ سلیت شاہ آئی پی ایس نے کہا کہ 'اگر ہم خواتین کو مواقع اور محفوظ ماحول دیں تو وہ کچھ بھی کرسکتی ہیں۔ انہوں نے کہا کہ خواتین کا عالمی دن ان خواتین کی تعریف کرنے کا دن ہے، جو انفرادی اور پیشہ ورانہ اہداف کو پورا کرنے کے لیے ہر دن محنت کرتی ہیں۔